نصايح رمضانيه بسيطه ومفيدة أتمنى تعجبكم ^^
...............................................................................................
نصيحة في رمضان ❤
أحياناً بيعدي عليك كام رمضان وبتدعي كتير و بتحس اوقات ان خلاص الدعوات هي هي و بسبب عدم التجديد ف الدعاء اوقات بتسجد وبتقول يارب :')
مفيش احلي من كلمة يارب.. لكن ربنا بيحب يسمع طلبك منك و يحب انك تسأله.. لدرجة انه يتنزل ربنا تنزيلاً يليقُ بجلاله يسألك هل من طالب حاجة فأقضيها له
للناس اللي بقالها فترة مبتقولش غير يارب وعايزة تُصيغ الادعية بتاعتها
ادعوا بالفتح..
-اللهم افتح لي فتوح العارفين لك المُحبين لك 😊
ادعوا بالرزق - اللهم اغنني من فضلك ووسع لي رزقي يا واسع الكرم ❤
ادعوا اللهم ارزقني حياة في سبيلك و موت في سبيلك
ادعوا بالاستخدام.. اللهم اجمعني عليك بخدمة تُوصلني إليك و أحيي بي سُنة الحبيب مُحمد وبلغ صوتي للافاق
ادعوا بالزواج اللي فيه رفقة و سكن و سند و حب و صُحبة ❤
ادعوا بتمكين الأمة.. اللهم مكّن لنا في ارضك واجعلنا أئمة و اجعلنا من الوارثين
ادعوا.. رب توفني مسلماً و ألحقني بالصالحين
ادعوا بالهداية ليكم و يا ريت تختار كام صاحب تدعيله كل يوم بالهداية .. ادعوا بالمغفرة
ادعوا بالعُمرة.. ادعوا ان ربنا يرزقكم حسن الظن به و حسن استقبال استجابة الدعوات وحسن التوكل عليه و لا يحرمكم سبل الوصول اليه و لا يحرمكم العلامات طول الطريق ولا يحرمكم مناجاته :")
...............................................................................................
نصيحة في رمضان ☺❤
فيه حاجة سمعتها للداعية على ابو الحسن حلوة اوى اسمها استثقال الترك .. بمعنى ؟
انك تلاقى حد طول اليوم ف رمضان معندوش غير كلمة " انا جعان انا مش قادر .. انا عطشانة جدا .. انا تعبت .. انا حرانة .. لأ الصيام صعب .. لأ النهار طويل.. متكلمنيش علشان انا صايم وخُلقي ضيق "
استثقال الترك لله.. انك تترك طعامك و شرابك لله.. انك تيجي ع نفسك في كام ساعة وكام يوم ف السنة علشان رب العالمين ❤
اللى بيحب حبيبه بيبقى عايز يعمله كل حاجة ترضيه بل بالعكس بيسعد لما يلاقى الحاجة دى فيها مشقة لإنه نفسه يتعب علشان حبيبه يستحق اكتر من كده ونفسه يردله جمايله اللي مغرقاه.. ولله المثلُ الاعلي فما بالك برب العالمين اللي مجاهدتك دي لن تنفع الا نفسك.. و من جاهد فإنما يجاهدُ لنفسه إن الله لغنيٌ عن العالمين.. انت اللي محتاج لده ومحتاجين للثواب العظيم اللي ربنا قال عنه إلا الصوم فإنه لي وأنا أجزي به. ❤ :')
.....................................................................................................
نصيحة في رمضان ❤
احيانا الشيطان بيقنع بعض الناس انه يعمل ختمة واحدة بس ف رمضان ويركز بقى فيها بعمق و بفهم و يفسر اية اية ويتمعن ومش بعيد يطلب منه يعمل دراسة .. و ده مش صح :')
مش حلو انك تقرا القران 8 ختمات وانت مش عارف انت بتقرأ فى ايه ويكون كل هدفك هو الثواب وبس .. ومش حلو برضه ان الشيطان يقنعك انك مش بتاع ثواب وانك هتقرأ القران مرة واحدة ف رمضان .. لا ده صح ولا ده صح
فهم القران مطلوب جداً ف رمضان و كذلك الثواب و استغلال الفرصة الرهيبة دى من ان الحسنات مضاعفة ف رمضان مطلوبة برضه .. يبقي الشغل كله إنك اختم القران واعملك عدد ختمات تقدر عليها ع حسب مجهودك ومع الختمات دى اقرا القران بفهم واستشعر الايات وتقف عند ايات الرحمة وتدعي و ايات العذاب وتدعي ان ربنا ينجيك منها
وحاول تعمل نوتة صغيرة للايات اللى اتاثرت بيها .. اكتب الكلمة اللى مفهمتهاش وجمع كل الكلمات مرة واحدة ف نفس اليوم واعرف معناها او تخلى جمبك تفسير وتعرف المعنى.. ف الوقت الفاضى اللى بتعمل فيه عبادة تانية زى الذكر شغل قران جمبك بصوت حد حلو ده هيشجعك ع القراءة اكتر و وزع الاجزاء جزء قرآن بعد كل صلاة .. اختم القران و أكثر من الختمات ومعاهم حافظ ع مستوى فهمك للايات :")
.....................................................................................................
ما ذكر هي مجرد نصائح مبسطه حبيت اكتبها واعرضها عليكم ان أصبت فهو من الله وان اخطأت فهو من نفسي ومن الشيطان ❤️
ورمضان كريم عليكو يا رب 😍❤️
شارك:
Unknown
خصصنا وقــتــنـا وجــهـودنـا مـن أجــل خـدمــتــكـم وتـعـزيــز روح الـتـعـاون فـيــمـا بـيـنـكـم ؛وبــكـم ســنـكـون فــي الــمــقــدمــة بــإذن الله
0 تعليق على موضوع " نصايح رمضانيه ^^ "
شروط التعليق :
■ يجب على التعليق أن يكون بلا روابط إشهارية
■ لاستعمال خط عريض ضع الكود : النص هنا...
■ لاستعمال خط مائل ضع الكود : النص هنا...
■ لإضافة صورة ضعها بهذا الكود : ... رابط الصورة هنا ...
الإبتسامات إخفاء