كلية الطب البشري ّ

اول حاجة اي حد يضحك عليك و يقولك هتضيع عمرك و هتضيع من عمرك سنين

ماتسمعش كلامه أبدا تمام

الطب مش صعب و مش سهل الطب طريقه قصير مش زاي زمان خالص دلوقتي بعد سنين الكلية دي انت ممكن تكون بعديها

بسنتين استشاري بانك تعمل معادلة او زمالة و بتشتغل بعد كده باسعار عالية جدا ف احسن الاماكن و انت لسه صغير

مش هطول و نخش ف الموضوع

الطب البشري عبارة عن مرحلتين مرحله اكاديمي و مرحلة اكلينكل اول 3 سنين اكاديمي و اخر 3 سنين اكلينكل الي هو بتنزل

تدريب ف المستشفي يعني و في سنة امتياز بعديهم

نتكلم ف المهم انت لما تخش سنة اولي هتاخد ايه و موادك ايه و سهله ولا صعبه و

مشكلة الانجليزي و كل ده

طبعا انت ف سنة اولي بتاخد اربع مواد اساسين الي هما

1/فسيولوجي ( بتدرس الجسم بيشتغل ازاي و انظمة الجسم و كده و دي مادة ممتعه و اكتر مادة بتحسسك انك دكتور بجد )

2/اناتومي ( التشريح ماده حلوه جداا و لذيذة برضو لانك بيبقي عندك فضول اساسا تعرف ايه الي جوا جسمك مادة عايزه

فهم قبل الحفظ مشكلتها ف الاول بس المصطلحات الجديدة بعد كده كله بيبقي تمام )

3/البايوكيمستري ( انت هنا بتدرس الكيميا ف جسمك و بتشتغل ازاي و كده ودي سهله جدا و مادة امتياز ف الغالب )

4/الهستولوجي ( مادة بتتكلم عن الخلايا و الانسجة سهله خااص و مش صعبه بس محتاجه حفظ شويتين )

**بيبقي عندك ماده اضافيه و بتختلف من جامعه لجامعه ياعني انا كان ترم كومبيوتر و

ترم انجليزي**.

نيجي لسوال اللغه

انت لو دخلت اصلا ومش ليك في انجليزي أوي هتاخد علي الجو و كل الي معاك كده الفكرة انك تبقي سابق الي معاك بكذا

خطوة بانك تبقي عارف مصطلحات طبية اكتر منه و قبله بحيث انك تبقي داخل فاهم مش لسه هتفهم

سوال ايه الفرق بين الخاص و الحكومة الشهادة و انهي احسن جامعه خاصة !

اولا ف الوقت الحالي مفيش فرق بين خاص و حكومة بالعكس انت بتتعلم احسن منهم ف معامل انضف منهم بطريقة احسن

شهادتكم معتمدة من نفس المكان فمبقتش تفرق كتير ياعني انا معايا ف جامعتي ناس كتير كان جايلها حكومة بس دخلت خاص

اشطه مفيش فرق

- ف مصر 3 جامعات خاصه فيها طب

1/ 6 أكتوبر

2/ مصر للعلوم والتكنولوجيا


3/ نيو جيزة ( دي جديدة و اول دفعة السنة دي )